Corazóns verdes

Aquí temos unha imaxe da elaboración durante un recreo dos Corazóns Verdes pola celebración do Cumio do Clima en París.

Cumio do Clima

Varias asociacións cidadás e organizacións propoñen levar prendido un corazón verde de material reciclado durante a celebración do Cumio do Clima en París (entre o 30 de novembro e o 11 de decembro).

Se queredes participar nesta actuación, podedes crear o voso deseño en verde nos obradoiros que haberá o mércores 2 e o venres 4 no segundo recreo.

Empezamos co concurso

Xa empezamos a ter fotos para o noso concurso. Animádevos.

 (Outono nunha carballeira)

 (Follas de outono)

 (Outono no Courel)

(Arco da vella no IES de Quiroga)

Final do concurso

Xa temos gañadoras. Foi difícil dar un primeiro e segundo premio pola calidade das fotos de ambas, pero finalmente decidiuse que a orde fose:

1º premio: Eney Mourelo

2º premio: Lucía Visuña

Máis fotos

Unha das nosas limpadoras, Josefa López, tamén quixo contribuír a este concurso con dúas fotos do solpor en Quiroga e unha espectacular foto do eclipse do 20 de marzo.

Última foto do concurso

E para rematar o concurso, o departamento de Lingua Castelá traenos esta foto, que fixo Eva, dun fungo chamado orella de gato (helvella lacunosa) a mediados de maio.

(Negro sobre branco. Quiroga)

Concurso IES Fernando Wirtz Suárez

Chéganos hoxe a nova dun concurso similar ó que temos no noso centro, neste caso no IES Fernando Wirtz Suárez de A Coruña.
Podedes consultar aquí as bases e desde o IES de Quiroga animámosvos a participar.

Foto concurso (Adrián)

En 3º de ESO tráenos Adrián Álvarez a seguinte foto:

(Primeira nevada do ano. Alto do Boi. Xaneiro do 2015)

Foto concurso (Eney)

En 2º de Bacharelato non querían ser menos. Grazas, Eney:

(San Clodio. Inicios 2015, orballo pola mañá)

Fotos concurso (Lucía)

Desde 1º de Bacharelato tamén nos chegan fotos, grazas a Lucía Visuña:

(Outubro 2014. Chega o outono no Caurel)

(Outubro 2014. Empeza a tormenta)

(Decembro 2014. Solpor en Quiroga)

(Decembro 2014. Solpor no Caurel)

(Decembro 2014. Orballo no Caurel)

(Xaneiro 2015. Neve no Caurel)

Fotos concurso (Bruno)

Grazas a Bruno Bragança (4º E.S.O.) por estas tres fotos:

(Quiroga, finais de febreiro 2015)

(Arco da vella. Preto de Fisteus, setembro 2014. Retocada)

(Foto panorámica desde a Ermida. Abril 2015)

Máis fotos para o concurso

O departamento de Francés tamén se animou e aquí temos dúas fotos. Grazas, Gaëlle!

Primeira foto de concurso (Miguel)

Feita por Miguel Fernández (4º PDC) o 19/3/2015.

(Rairos. Solpor)

Eclipse de sol. 20-3-2015

O venres 20, entre as 9 e as 11 e media da mañá poderemos ver un fenómeno astronómico pouco habitual, un eclipse total de sol. Para ser exactos, total en zonas próximas ó Ártico como as Illas Feroe. Aínda que na nosa situación, podemos ter unha das mellores vistas de toda a Península Ibérica, chegando a unha ocultación aproximada do 70%.

É importante que tomemos precaucións se queremos observar o eclipse se non queremos sufrir danos nos ollos. Durante o eclipse, o ollo percibe menos luz solar e abre máis a pupila, como cando se fai de noite. O problema é que, ó contrario que pola noite, as radiacións infravermella e ultravioleta seguen chegando ós ollos, podendo provocar desde irritacións e queimaduras leves ata cegueira.

Polo tanto, nunca, baixo ningún concepto miredes directamente ó sol, nin utilizando diversas formas de protexerse que son ineficaces, como gafas de sol, cristais afumados, etc. E por suposto, tampouco por un espello ou na auga, que as radiacións refléxanse e chegarían igual ós nosos ollos.
Nesta páxina temos unha serie de consellos importantes para a súa observación: Cuida.Tu.Vista.com.

Tamén podedes ampliar información neste blog relacionado coa ciencia: Microsiervos.

Por se chegastes aquí sen ler o enlace anterior (mal, moi mal feito!), lembrade que nese enlace hai outro que vos leva a unha retransmisión en directo do eclipse, a que farán desde o observatorio virtual Slooh.

Como curiosidades, as sombras tenden a alongarse e notaremos un lixeiro descenso da temperatura segundo vaia aumentando a ocultación do sol. Outra curiosidade é ver como en outros lugares comprobarán o funcionamento do sistema enerxético do país, no que a enerxía solar ten un papel importante e durante o eclipse sufrirá un pequeno baixón, como en Alemaña (ver enlace).

E se queredes escoitar música, que de todo hai, tedes aquí o tema "Eclipse" do álbum "The Dark Side of Moon" de Pink Floyd.

Saúdos e coidado coa vista.

Máis fotos fóra de concurso

O departamento de Matemáticas non ía ser menos, fotos de Suso. Nestas fotos hai un pouquiño de retoque con Instagram, para aumentar lixeiramente o contraste e a nítidez do que vemos.

(Arco da vella. Lugo)

 (Chuvia preto de Bóveda. Non chovía ó revés,a foto
é do cristal de diante dun coche desde dentro) 

(Pingas de chuvia no musgo. No aparcamento que
está entre o noso instituto e o centro de saúde) 

Algunhas fotos fóra de concurso

Fotos cedidas pola nosa profesora de Educación Física, Sabela.

(Neve vista desde Quiroga, vese moi ben a liña que marca a cota de neve)

(Atardecer enladrillado en Santiago)

Concurso de fotografía meteorolóxica

Este ano imos tratar de facer as nosas propias fotografías do tempo, como as que podemos ver hoxe en día na maioría de informativos da televisión. Para darlle algo de motivación ó asunto, temos un concurso. As bases son as seguintes:

1. O tema é o clima, os fenómenos meteorolóxicos e as posibles consecuencias dos mesmos.

2. Pode participar todo o alumnado e o persoal do IES de Quiroga, entregando fotografías orixinais e inéditas.

3. As fotografías deben presentarse en formato dixital ou impresas en papel fotográfico, achegándolles un título. No primeiro caso, pódense entregar os arquivos ós profesores responsables do Plan Proxecta Meteoescolas no centro, Espinosa e Suso. (Tamén se admitirán fotos de móbiles).

4. Admítense formatos nos que se utilizan retoques, tipo Instagram, Retrica, Photoshop, Gimp, etc. Nese caso hai que indicar que as fotos están retocadas.

5. Un dos aspectos que se valorará moi positivamente será que se acompañe a fotografía dunha explicación, na que ademais de especificar a data e o lugar, se faga unha aclaración sobre o tema da fotografía.

6. O xurado estará composto por varios membros do profesorado.

7. O xurado comunicará publicamente o seu fallo antes de fin de curso.

8. Salvo aquelas que non acaden uns requisitos mínimos de calidade, as fotografías publicaranse no blog “Meteoquiroga” e, se hai una cantidade suficiente delas, poderán formar parte dunha exposición no noso instituto.

9. O prazo de admisión remata o 8 de xuño de 2015. En caso de presentarse máis tarde, as fotografías poderían formar parte da exposición, pero non participar no concurso.

10. Os premios están aínda por determinar. Dependerá da cantidade de fotografías presentadas.

Ánimo, que xa estamos agardando polas vosas fotos!

Saúdos.

Recollida de datos

Aquí temos a dous dos nosos alumnos facendo a recollida diaria dos datos.